讓「次按拖累」一詞壽終正寢吧！

今日，孫柏文希望所有傳媒工作者，如果見到花旗國股市因為信貸危機大跌，唔好再反 射式用「次按拖累」一詞去解釋。次按危機，本身係因為市場資金氾濫，又遇上無畏無懼嘅投機者，所以令到好多唔應該借錢嘅人，或者唔應該借咁多錢嘅人，可以 借錢投機。到投機嘅資產大幅貶值時，就會出現好多人唔還錢，債主中招危機。

問題已蔓延開去

除咗花旗國樓市之外，基本上所有信 貸市場都出現同一情況。2月嗰次大跌市，就係「次按拖累」，不過今次嘅跌市，就算淨係睇花旗國按揭，已經蔓延至其他「比較安全」嘅按揭。

毋須要入息證明， 原先係畀嗰啲高收入，不過收入飄忽嘅人士（例如律師、Sales）嘅Alt-A另類優質貸款，都出事。

就連借畀啲薪高糧準人士（例如公務員）嘅prime 優質貸款，欠款比率亦升。最弊嘅係，問題冇咁簡單。

拖累因信貸危機

呢幾年，令資金氾濫嘅財技，非常倚賴風險評級公司，例如標 普嘅信貸風險評級，有好高嘅公信度。不過因為連AAA級次按債券都出事，所以今時今日係一個「信貸危機」，唔係「次按危機」咁簡單。

就算一個想買債券，手 頭上又有好多資金嘅人，因為唔知到呢個AAA級係堅，定係次按嗰隻，所以根本唔會去買。所以喺可見嘅未來，若有金融機構出事，令市場大跌，各位同行，唔好 再用「次按拖累」去解釋，應該用「信貸危機拖累」啦！