呢場信貸風暴叫Katrina

對上幾日，孫柏文同大家一樣，都覺得特區股市好似入咗風眼，喺暴風中突然一片平 靜。不過到噚日，特區股市裂口低開後繼續跌，成交量比起前日升四、五成。

不過講真，打風對於我呢代特區人嚟講係一個情意結。由細細個開始，每次未做完功課 瞓覺時，都希望第二朝起身時懸掛八號風球，就算出嚟做嘢都一樣。我有個朋友叫Jessica Ng，上個禮拜四颱風「帕布」啱啱襲港時，佢有好多同事滿肚密圈約定麻雀腳，等禮拜五放假。

點知禮拜五發現颱風已經掠過特區以南海面，個個諗住打牌嘅朋 友，全部落空、齊齊返工，佢嘅同事成朝痛罵呢個颱風。唔知係咪啲罵罵聲觸怒咗天神，所以到下晝「帕布」嚟咗個澳門髮夾灣式U turn，再次襲港，天文台掛上八號風球，下晝股市都要停。

因結構性問題被淹沒

今日同大家分享Jessica嘅故事，應該係典型港人喺打風下嘅經驗，無驚無險，打完天朗氣清。不過作為一個前石油分析員，孫柏文絕 對明白打風可以幾恐怖。

2005年8月29日，颱風Katrina打中花旗國新奧爾良，打完確實天朗氣清，不過都差唔多兩年之後嘅今日，新奧爾良好多地方 仲係一池死水、頹垣敗瓦，人口得打風前嘅六成。

今日呢場風暴，就有如當年嘅Katrina，一眾投資銀行、金融機構就係新奧爾良，唔打風就歌舞昇平，不過 遇上「完美風暴」，就會因結構性問題被淹沒。打完風嘅天朗氣清，只會令人睇清楚地上嘅人間煉獄。各位喺投資銀行打工嘅fan屎，有心理準備可能要永遠離開 你哋嘅新奧爾良。