建制打壓金價

噚日國際貨幣基金IMF放風，話因為冇機會放債畀啲「問題經濟」國家，令到收唔夠息去彌補營運開支，所以諗緊好唔好賣晒手上嘅黃金。以上係官方嘅解釋。

不過講真，真正原因係想打壓金價。喺上個禮拜六《蘋果日報》投資講座，我曾經為觀眾提供過以下日圓兌黃金嘅圖（圖三）。當日，我話過世界所有市場都可能會有 壓力，因為日本央行唔想見到金價突破舊年5月嘅高位，所要可能會將濫發鈔票產生出嚟嘅錢抽走。不過，日本經濟數據又再次轉差，所以日央行不得不繼續濫發鈔票。

想 濫發鈔票，又想金價跌，可以點？

唯一方法就係一味靠嚇，IMF放風話賣黃金，仲要話「會盡量小心唔隊冧金價」，即言下之意就係「不過一唔小心就會隊冧金 價」。當然，如果要金價跌，首先市場要信IMF真係有隊冧金價嘅能力。可能世界上有太多人唔信IMF真係咁嘅能力，所以IMF仲要加多句：「我哋會叫其他 中央銀行減少賣金！」言下之意就係「如果佢哋唔合作，金價就會冧！」就係咁，呢齣戲只需要有一兩個中央銀行走入嚟話「照賣可也！」就應該嚇跌金價。不過， 睇噚日金價走勢，呢齣戲嘅觀眾好似唔係好驚，因為金價照升！