最有良心輪商選舉

噚日，孫柏文上網睇啲討論區，睇吓有冇啲有趣嘅消息。睇睇吓見到有一個網上選舉，主題為「最有良心的輪商」選舉。對於孫柏文，一個資金唔多嘅人，我有時都會買輪，所以我都對呢個選舉主題有興趣。

一click入去，見到好多輪商嘅名同埋佢哋嘅得票率。粗略咁望一望，發覺法興遙遙領先，有18票，比第二名德銀嘅票多出一倍。講真，平時孫柏文有時都會幫襯法興，所以都唔太驚奇。

點知，原來仲有其他選擇。我將網頁拉下，睇吓仲有冇其他輪商，得票率高過法興。一睇，原來得票最高嘅選擇係──「以上全部無良心」，得137票。結論係，特區股民真可愛！