Monday, August 20, 2007

伯南克想市跌 不過慢慢跌

孫柏文作為一個淡友,見聯儲局喺禮拜五又出手,當然好pissed off。禮拜六凌晨pissed off到喺自己個 blog度大罵特罵。點知,原來翻查自己個blog,我喺再之前嘅禮拜六,即係聯儲局第一次出手翌日,我都有大罵特罵。罵佢哋托市。

我就喺發現呢個情況之 際,突然覺悟,今日同大家分享。

其實,伯南克係想個市跌。大家冇睇錯,我再講多次,伯南克係想個市跌。

經濟學講資源分配

如果大家要知道前學者伯南克點解咁諗,就一定要墜入學者心態。所以,今日孫柏文就 幫大家補習吓啲econ,重溫吓乜嘢係「價格」。經濟學嘅神髓,就係講資源如何有效咁分配,最少資源得出最大效果。價格,對資源有效分配非常緊要。

如果價 格上升,就會吸引更多供應商去討好消費者;價格下跌,就會令供應減少,等唔會盲目生產繼而資源被浪費。伯南克一定係咁諗。

伯南克一定係諗,過去幾年,有錢 嘅人好似對風險完全唔理,令好多唔應該借到錢嘅人,借到錢,唔應該借到咁多錢嘅人,借到好多錢。點樣都好,資本錯配,浪費資源。

伯南克一定係諗,社會向 榮,資源浪費一定要停止。而可以令有錢嘅人自發地停止資本錯配,就係令「價格」下跌到應該嘅水平。市跌,即係等如價格下跌。伯南克想「價格」下跌,亦即係 想個市跌。

市跌等如價格下跌

大家可能會問:「咁佢又出手?」問得好!伯南克一定係最驚「價格」下跌超過應該嘅水平 overshoot,連冇參與有問題放債、投資活動嘅人都死埋。而喺恐慌性拋售、急速下調嘅情況之下,就最容易overshoot。

所以伯南克想個市跌, 不過慢慢跌,有秩序咁跌。

如果要手上有貨嘅人理性地拆倉,令個市慢慢跌,有班人伯南克一定要對付。呢班人,就係淡友。如果淡友參與拋空股票,贏錢,就會更大力再拋。伯南克一定覺得淡友令個跌市overshoot嘅機會大大提升,所以就喺標普500指數put輪到期計數嘅花旗國禮拜五開市之前,出手。

聽聞, 花旗國好多淡友重傷,淡友拋空帶來嘅沽壓應該減少。今日,應該裂口高開,如果伯南克真係想個市最終下跌,大家應該識點做。



Contemplating how to engineer an orderly collapse...


14 comments:

  1. 分析員,你被人夾喎....

    ReplyDelete
  2. 夾得好X痛!!

    but welcome back 經濟學巨人!

    The silent bulls who dwells here misses u!

    ReplyDelete
  3. 你D白銀,和黃,表現都唔錯!

    拆倉又拆先(白銀),

    一注獨贏表現戇戇居居,一如較早時某分析員的評論,.......

    早幾日收到PCCW通知我,3G月費又減..我講:你減價,我唔會反對架!

    睇睇股神畢菲特,大舉購入金融及按揭....

    ReplyDelete
  4. Once again 經濟學巨人...

    The bulls missed u.

    ReplyDelete
  5. 我成日講,股市如人生,有升有跌,好自然,唯有人錯估了形勢!

    其實,如HSBC,由2005-2007年,已走了熊市,今年2007年,栢文,對不起,升到你唔信,強者會跑出,see and wait....

    ReplyDelete
  6. 栢文,轉軚未晚也.....

    投資大師巴菲特主持的柏克夏海威瑟(Berkshire Hathaway)投資公司,周二向主管機關申報最新投資部位資料。在市場因為次級房貸風暴而一面倒看壞銀行股之際,巴菲特反而大力買進,甚至加碼美國第二大抵押房貸公司富國銀行,逆勢操作的意味相當濃厚。 ...

    股神畢菲特:別人貪得無厭, 自己要識得驚;別人怕得要死, 自己要奮勇進取。
    Be fearful when others are greedy, and be greedy when others are fearful.

    ReplyDelete
  7. "別人貪得無厭, 自己要識得驚;別人怕得要死, 自己要奮勇進取"

    今日個個都進取, 我真係好驚. 天主保祐, amen.

    ReplyDelete
  8. PacMan

    Again, I feel sorry for you. Time and again, correct analysis but the timing isnt right.

    巨人

    勝敗兵家常事, 不用這麽意氣風發. 老老實實, 你維持 HSBC 年底到 $200 的看法嗎?

    ReplyDelete
  9. 雖然我叫經濟學巨人,但經濟學成績平平,當年會考取得D級成績.

    我在金融市場中,只欣賞兩位老人家:
    1)股神畢菲特
    2)東尼

    以匯控環球平均分布資產及盈利,世人往往過於看重一面,而忽略整體!

    2007年,$200的HSBC,合理.

    ReplyDelete
  10. 東尼:

    8月20日 東尼日誌
    大部份的沽出是來自估計其他人會沽出的投資者,他們害怕股價下跌,他們或對或錯,股價被拖低全因這些沽出,而非股份所產生的溢利及派發的股息下跌所致。

    對我來說,這種恐懼是無謂的,因為股價是無法預測的,各人又有不同的考慮,預測其他人的做法,會影響個人本身的直覺。

    如果你想買入,就索性買入吧。等待摸底的政策實在不智,因為在股價回升時,你不會跟其他投資者一起搶著買入,買入的熱烈程度往往被誇大了,迫使股價上升,削弱了你的利益。

    如果你買入,即你認為便宜,如果股價下跌,那麼真是求之不得,因為你可以減低買入的平均成本。但如果股價開始上升,你也至少會感到滿足,因為股份的表現符合你的預期。即使不可減低平均成本,你也可以安慰自己,買入了一隻優質而且相對地較便宜的股份。


    匯豐(5)已承諾派付每季17美仙的股息,期未股息仍然未有分曉。去年全年股息為21美仙,我預測今年至少有24美仙,因為中期股息為15美仙。由此得出 2007年的總股息為92美仙,或7.17港元,息率逾5%。如果你找到同樣出色的股份,有更佳的息率,我也很想知道。

    上周五匯豐收市低於135元,實在值得買入,我認真向所有潛在的買家大力推介。我也認為他們甚至應該借錢買入,但不要多於購買成本的30%。股價不會在這個水平維持多久。

    這不是跌市中唯一值得買入的股份。現在是聰明的投資者盡情入貨的時候了。

    --------------------

    股神.畢菲特
    巴菲特15日(當地時間)在接受美國財經新聞頻道CNBC的采訪時表示:“通常,在金融市場上出現大混亂的時候,會出現更多的投資机會。因為在混亂中,錯誤計算价值 ...

    ReplyDelete
  11. 巨人

    謝謝回應, 我也是buffett & Tony 的信徒.

    多年來衹買四五隻股票, HSBC, 中石油, 中人寿, 中移動與港交所,(還有一隻甩鬚的聯州, 過好彩無入肉) 只買不賣. 多年來儲到一定的財富.

    不過我覺得今次風暴真的要做足防風措施, It's aint over till it's over, 一切小心.

    ReplyDelete
  12. hey! dont ruin my bear one rebound!

    ReplyDelete
  13. Yo tintin,

    "...Again, I feel sorry for you. Time and again, correct analysis but the timing isnt right..."

    Thats why I was an analyst and not a trader hahahhahaha

    Yo 會計仔,

    short this like its 2000

    ReplyDelete