Tuesday, August 28, 2007

一注獨贏買江銅:到價!

多謝各位《金手指》fan屎支持!

孫柏文喺今年4月10日,叫大家「一注獨贏買江銅」。咁江西銅業(358)喺4月9日嘅收市價,就係10.32元,不過到4月10日開市時,已經裂口高開,開市價10.8元。

冇辦法,《金手指》嘅「一注獨贏」品牌,實在太強,所以裂口高開不足為奇。當日,我為大家提供咗16元嘅目標價,以建議日開市價嘅10.8元計,即係話會升48%。到噚日,江銅就成功升穿我嘅目標價。



4月我建議大家買江銅嘅理由,係因睇江銅06年第三季業績,當時銅價維持大約7600元1噸,江銅就賺大約0.5元。只要全年銅價平均喺同一水平,江銅就會賺2元一股。呢個盈利計算已經非常保守,因為完全假設江銅嘅生產量冇增長。

只 要市場覺得銅價能徘徊7600元1噸水平,而唔係泡沫,市場可以接受江銅嘅市盈率,亦可以攀升。當時我話過:「江銅一年可以每股賺兩元,而如果市盈率係8 倍,即係話股價就會16元一股。」無獨有偶,由4月1日至今,銅價平均真係徘徊喺7600元1噸水平,而市場亦好似接受呢個唔係泡沫。江銅升穿我嘅目標 價,唔係冇根據。

咁仲有冇得升

當然,如果睇江銅股價走勢圖,我咁多理論都好,由建議日到7月初曾經升上15.74元一股。到 「大奇迹日」,全日最低見過10.4元,仲低過建議日開市價。江銅居然可以喺之後嘅6個交易日,由低過建議價到升穿目標價。我當然係繼續話係因市場卒之明 白以上嘅理由,所以升。不過,大家就可能覺得係大陸同胞可以「炒股自由行」,炒AH股折讓,所以升。

無謂拗,中就得。

最後,大家一定會問:「究竟江銅仲有 冇得升?」我只可以話,用港元計,江銅A股噚日收42.87元一股,仲有冇得升?你話呢?

8 comments:

  1. 牙擦擦!
    呢鋪抵你認叻嘅!

    ReplyDelete
  2. hahahahhaa

    just once. Let me enjoy this. =P

    ReplyDelete
  3. 講真, 雖然我都睇好江西銅, 但咁樣升法, 不但是意料之外, 且有o的似末日將臨...

    ReplyDelete
  4. statistically, after getting so many off calls, I was due one that worked out. hehe

    but the speed of 358's rise... scary indeed.

    ReplyDelete
  5. 柏文,今日經濟日報曾廣標專欄講關於《富爸爸、窮爸爸》的作者清崎的白銀投資建議,睇下啊!!
    仲有,扎鐵工潮你有什麼看法,昨日看了林行止先生的文章說:“長話短說,解決當前紮鐵工人薪酬的困局,唯一方法是「最後用家」物業發展商稍為提高工程出價,讓建造商可以滿足工人的訴求。建造業這幾年來亦不景氣,以「主要從事上蓋建築工程、地基營造」的上市公司建業實業為例,其建築業便於二○○六及○七年度錄得赤字;另一方面,地產雖非大旺,唯物業發展商如恒隆○七年度的毛利率仍有百分之二十二點四,新鴻基地產百分之三十八點二二,而長江實業高達百分之四十點四六,這顯示它們是唯一有財力紓解當前這場足以破壞社會和諧工潮的一方。”有點失望,因為這不是有違跟獅子山學會的信念嗎??

    ReplyDelete
  6. niojew 君,

    自由市場經濟並不是萬能。好像近期的毒玩具便是一個好例子,唔通任由市場運作使孩童中毒而死咩。

    今次紮鐵工有好幾個問題窒礙市場經濟,1.紮鐵工和其他工種不同,唔可以隨意轉作為普通裝修人工。2.香港工程不斷減少,很多工種用內地的製件代替。以上兩點使紮鐵工就算無人入行多年,現在仍然人手過多。加埋最後一點,高達六成合約由單一判頭壟斷,紮鐵工如果得罪依位大判頭就好難在行內生存。依位大判咪不斷壓價,加工時,去廁所都要扣錢去打壓班紮鐵工囉。

    (去廁所都要扣錢是聽紮鐵工自己 phone in講架,天氣咁熱,飲多幾口自然去多左廁所,如果是真,就非常過份了,抵大判要承受今次反彈之苦)

    ReplyDelete
  7. i dont know兄:

    雖然我都知自由經濟不是無所不能,但我覺得解決扎鐵工潮真的需要政府干預甚至要誘迫資方加薪嗎??

    至於您的問題“紮鐵工和其他工種不同,唔可以隨意轉作為普通裝修人工。”,其實唔做地盤轉行他業也無可無可,飲食、零售、保安也是出路,而且您也說“香港工程不斷減少,很多工種用內地的製件代替。”,証明建築業前景暗淡,那工資有什麼上升之理??就是因為紮鐵工人生活艱苦,所以資方要盡所謂的社會責任而加人工??

    ReplyDelete